هيبتا... اولا كل اللي هاقوله فيها مجرد رأي شخصي لا يرتقي للنقد ولا يقبل الاعتراض
اولا هي رواية حاولت توصل لكل الناس بس في الحقيقة هي متنفعش كل الناس، لأن الحب مش سهل كدة الرواية محكية من وجهة نظر رجالي، وبالنسبة للراجل الحصول على الحب اسهل من البنت ﻷن البنت عندها مليون حاجز نفسي عشان توصل لاول مراحل الحب على الاقل هيبقى بينها وبين ده الكسوف، وعدم فهم الطرف الاخر ، وانتظاره انه يصرح هو، ده غير عدم الثقة بالنفس او الاحساس بالامان عند بعض الناس على الرغم من اقتناعي بكل كلمة في مبادئ الرواية لدرجة اني لو كتبت ممكن اكتب نفس الكلام بنفس الجمل ذات المعاني العميقة جدا في وسط الحوارالبسيط جدا.. لمجرد ان تعطي احساس بالعمق والتلميح لمعنى قوي جدا في وسط حوار وقصة مش مستاهلة! بس مازلت شايفة ان الرواية مش واصلة مش لمساني! حسيت في بعض المشاهد ان الحب شئ سخيف جدا مبالغ فيه مجرد كلام افلام زي ما هو نفسه قال... حتى كون الاربع شخصيات شخص واحد بالنسبة لي ما حسنش من القصة اوي.. اه ممكن يكون ارحم من ان 4 اشخاص بيحبوا بنفس الافورة اكتر قصتين عجبوني في البداية (ب) يمكن عشان الحب بين الاصدقاء ده بيلمسني اوي و (د) عشان البراءة في حب الاطفال بس كلها قصص انتهت قبل ما تبدأ!!
هيبتا بالنسبة لي رواية هدفها حلو بس محبطة.. كان ممكن تعجبني لو انا عندي تجربة من اللي حكاهم او لو انا اكبر من كدة، حاليا انا ممكن تلمسني شخصية سلمى اكتر من اي شخصية تانية.. الشخص اللي بيتفرم في وسط ناس دماغها مغلباها و بيتحول زيهم من اللي عملوه فيه، سلمى اللي استحملت شخص بكل العقد اللي سببتهاله حياته وفي الاخر سابها عشان واحدة ... سهلة! تجربة صعبة في حياتها خلتها تفقد كل القيم! من الاخر هو عايز يتكلم عن حد فقد الكتير من شخصيته بسبب الحزن وده خلاه ضايع، وعايز يقول إن مش نلاقي الحب الحقيقي او اللي يريحنا ويكملنا غير بعد ما نفقد كل شئ، ﻷن لو لسة باقي فيك جزء سليم هتفضل تقابل ناس تفتكرهم الحب الصح وفي الآخر تسيبوا بعض!!
اولا كل اللي هاقوله فيها مجرد رأي شخصي لا يرتقي للنقد ولا يقبل الاعتراض
اولا هي رواية حاولت توصل لكل الناس بس في الحقيقة هي متنفعش كل الناس، لأن الحب مش سهل كدة
الرواية محكية من وجهة نظر رجالي، وبالنسبة للراجل الحصول على الحب اسهل من البنت ﻷن البنت عندها مليون حاجز نفسي عشان توصل
لاول مراحل الحب
على الاقل هيبقى بينها وبين ده الكسوف، وعدم فهم الطرف الاخر ، وانتظاره انه يصرح هو، ده غير عدم الثقة بالنفس او الاحساس بالامان عند بعض الناس
على الرغم من اقتناعي بكل كلمة في مبادئ الرواية لدرجة اني لو كتبت ممكن اكتب نفس الكلام بنفس الجمل ذات المعاني العميقة جدا في وسط الحوارالبسيط جدا..
لمجرد ان تعطي احساس بالعمق والتلميح لمعنى قوي جدا في وسط حوار وقصة مش مستاهلة!
بس مازلت شايفة ان الرواية مش واصلة مش لمساني! حسيت في بعض المشاهد ان الحب شئ سخيف جدا مبالغ فيه مجرد كلام افلام زي ما هو نفسه قال...
حتى كون الاربع شخصيات شخص واحد بالنسبة لي ما حسنش من القصة اوي.. اه ممكن يكون ارحم من ان 4 اشخاص بيحبوا بنفس الافورة
اكتر قصتين عجبوني في البداية (ب) يمكن عشان الحب بين الاصدقاء ده بيلمسني اوي و (د) عشان البراءة في حب الاطفال بس كلها قصص انتهت قبل ما تبدأ!!
هيبتا بالنسبة لي رواية هدفها حلو بس محبطة.. كان ممكن تعجبني لو انا عندي تجربة من اللي حكاهم او لو انا اكبر من كدة، حاليا انا ممكن تلمسني شخصية سلمى اكتر من اي شخصية تانية.. الشخص اللي بيتفرم في وسط ناس دماغها مغلباها و بيتحول زيهم من اللي عملوه فيه، سلمى
اللي استحملت شخص بكل العقد اللي سببتهاله حياته وفي الاخر سابها عشان واحدة ... سهلة! تجربة صعبة في حياتها خلتها تفقد كل القيم!
من الاخر هو عايز يتكلم عن حد فقد الكتير من شخصيته بسبب الحزن وده خلاه ضايع، وعايز يقول إن مش نلاقي الحب الحقيقي او اللي يريحنا ويكملنا غير بعد ما نفقد كل شئ، ﻷن لو لسة باقي فيك جزء سليم هتفضل تقابل ناس تفتكرهم الحب الصح وفي الآخر تسيبوا بعض!!