Ahmed

“العيال اللى كانت بتقعد ف أول ديسك وبيتصاحبوا على المدرسين ويفتنوا على أصحابهم، غالبًا لما يكبروا بيبقوا إخوان. والعيال عديمة الموهبة اللي نفسهم يبقوا حاجة بالعافية، بيكبروا ويبقوا ظباط. والعيال اللى كانت بتجيب معاها حلويات مستوردة والمقلمة أم دورين، هم وأصحابهم بيبقوا فلول. والعيال اللى كانت بتقعد معاك ورا تقشّر يوستفاندى وتقزقز لب سوبر وتقلب ريحة الفصل، بيكبروا يبقوا ليبراليين ويطلع ميتين أبوهم علشان علّموا على كل العيال دى وهمّ صغيرين.”
― مصطفى إبراهيم

“تيجي نهرب ...
م الحقيقة ..
م الصور ..
من خبر عاجل يخض ..
تيجي …
لا نفهم ..
ولا نعرف ..
ولا نقدر نرد ...
تيجي ….
نتعلم سخافة ..
بشويش كده ..
بصنعة لطافة ..
وتبقي بياع الكنافة ..
وأبقي بياع الكلام ...
تيجي نهرب ...
م الألم ..
م الحزن ..
م الأحلام ....
تيجي نتعلم ننام ..
تيجي نتباع بكام ..
تيجي ….
نعمل عملية تجميل ..
و نشيل .....
ولا حرام .......
تيجي ….
نبقي طوب .. خشب .. إزاز
بلاطة جنب بلاطة ....
تيجي ….
ننسي بعض ببساطة ....
وتبقي بياع البطاطا ....
وأبقي بياع الهوا ...
تيجي ….
سوا … سوا
نهرب …
م الأمل ....
نطلع بطاقة ...
بدون عمل ...
نأجر عجل ..
نركب جمل ...
تيجي …
نبقي ف اللذاذة ..
وأجيب مصاصة ..
تجيب بزازة ....
تيجي نبقي ...
ملناش عازة ...
زي كل شئ جميل .....
تيجي ….
مستحيل …..
هي كده ....
وملهاش بديل .....
تيجي رجلك ...
تيجي …
تهرب بجلدك تنجرح .....
يوجعك قلبك بجد .......
لا تقبل أي حاجة ...
ولا تبقي أي حد ....
تيجي …..”
― علي سلامة

“اللهم امنحني السكينة لأتقبل الأشياء التي لا أستطيع تغييرها، والشجاعة لتغيير الأشياء التي أستطيع تغييرها والحكمة لمعرفة الفرق بينهما.”
― عصام يوسف

“دارت الجوزة دورة ،
ثم دورة ،
قال واحد :
- ماتقولولنا يا مسلمين ..
هيه برضه الجنة فيها كهربه ..
وإن ماكانش قولولنا بتنور بإيه ..
ولا تطلع هيه رخره مهببة !
(إن يكن كل كلام ،
بتعابير العوام ،
لكم .. أو بعضكم .. غير مريح ،
فخذوه بالفصيح :
" يا عباد الله قولوا ..
يا ترى .. ثمة فى الجنة أيضا كهرباء ،
او فقولوا كيف بالله تضاء ،
ام عساها هى أيضا مظلمة ؟! "
فرق مابين السما والأرض بين الاثنتين ..
مش كده ؟! )”
― نجيب سرور, ياسين وبهية