Egyptians Good Readers discussion

اسئلة بسيطة .. بس محتاجة اجابة وافية
واشطح بالخيال براحتك ..

قولنا رأيك في الجروب وتجربتك معاه لحد دلوقتي

- عرفت الجروب منين؟
- ايه مخليك مكمل فيه ؟ وايه حاسس انه ناقص ؟
- ايه اللي بيميز اي جروب غيرنا ومش عندنا ؟ وايه يميزنا عن غيرنا؟
- قدمت ايه للجروب؟
عرفت اصحابك عليه او عملت حاجه عشان ينتشر مثلا ؟ او شاركت بموضوعات مهمة ومناقشات للكتب ؟......ألخ

واخيرا والاهم...............
تعمل ايه لو انت ادمن الجروب ؟؟؟؟؟؟

بما أن الشطحان بالخيال مسموح.. ليه مانفعلّش وجودنا الافتراضي على أرض الواقع الملموس.. بمعنى عقد اجتماعات دورية ولو في قهوة بلدي في وسط البلد :D .. المناقشات الكلامية أكثر فعالية بمراحل من المناقشات الكتابيّة..

نفسي، وده عموماً مش هنا بس، يزيد موضوع الحلقات الثقافية الفعلية لا الافتراضية على مستوانا إحنا الشباب وميبقاش الموضوع حصر على النخبة الثقافية أو من يدورون في فلكهم.. الغرض من كده إن قداسة النخبة المثقفة تُكسر وتبقى المعرفة شيء شائع مع الوقت وبالتالي تزيد قاعدة المفكرين والمتأملين والباحثين..

باحلم، طبعاً، بس ليه لأ ده ميحصلش.

لو انا الأدمن هاعمل نشره دوريه بعناوين الاصدارات الحديثه عشان الكل يبقى up to date

Ahmed wrote: "بما أن الشطحان بالخيال مسموح.. ليه مانفعلّش وجودنا الافتراضي على أرض الواقع الملموس.. بمعنى عقد اجتماعات دورية ولو في قهوة بلدي في وسط البلد :D .. المناقشات الكلامية أكثر فعالية بمراحل من المناقشات..."

الفكرة دي امنية شخصية وحلم ليا انا كمان يا احمد .. وبشكرك عليها
وعرضناها قبل كدا ..
وبغض النظر عن صعوبتها او لا او عن بعض المشاكل البسيطة زي صعوبة الاتفاق والتجمع او ظروف الناس او الكسل.. او او .. بس هي من اهم الخطوات اللي لازم ناخدها ان شاء الله ..

وان شاء الله هنعملها موضوع مستقل لوضع التفاصيل والخطوط العامة لتنفيذها
بحيث كل مجموعة مننا في محافظتها تقدر تنفذها بالالتزام بنفس الاطار دا ونبقي كلنا بنكمل بعض ..

وفيه جروب بدأ فعلا ف الاسكندرية .. وان شاء الله الباقي يكمل

Ahmed wrote: "Ahmed wrote: "بما أن الشطحان بالخيال مسموح.. ليه مانفعلّش وجودنا الافتراضي على أرض الواقع الملموس.. بمعنى عقد اجتماعات دورية ولو في قهوة بلدي في وسط البلد :D .. المناقشات الكلامية أكثر فعالية بمراح..."

يا مسهّل..

ممكن على سبيل البداية الموضوع يبدأ باتنين أو تلاتة ولما الناس تلاقي إن في مقابلات بتحصل هتتشجع مع الوقت والعدد هيبقى في ازدياد إن شاء الله..

وأنا عن نفسي مستعد لأول مقابلة معك.

Wael wrote: "لو انا الأدمن هاعمل نشره دوريه بعناوين الاصدارات الحديثه عشان الكل يبقى up to date"

كنا بنعملها كل فترة .. واتوقفنا عنها .. المشكلة فيه ناس بتضايق من الرسايل ..

عايز رأيك ..
نعمل نشرة دورية كل مدة قد ايه ؟

اعتقد ان كل شهر مده معقوله و مش هاتضايق الجروب

لو انا الادمن كنت اكيد هحاول احط الاماكن و المكتبات الي تساعد اي حد في انه يلاقي نوع الكتب الي هو عايزها بسعر مناسب و اكيد كنت هعمل مناقشات للكتب ..هذا ما جاء في بالي حاليا :D

اتمنى انى اقدر انزل ع الاقل كل يوم كتاب وعلى الاقل كل اسبوع كتاب جديد مانزلش قبل كدا ..
لكن هل فعلا هقدر اعمل كدا .. اشك ! .. انا عرقت الجروب بالبحث ولقيت عليه تفاعل كتيرو0ى اكتر حاجة شجعتنى ادخل .. ..
بتمنى استفيد اكبر استفاده وربنا يجعله ف ميزان حسناتكم

بما أني جديدة لسه في Goodreads و كمان جديدة في الجروب و لسه مش قدمت أي مساعدة او حاجه مفيدة بس اتمني دا يحصل قريبا ، انا عرفت الجروب عن طريق أصدقاء ليا موجودين فيه و عجبني النظام يمكن لأنه حاجة جديدة ليا و كنت عايزة اشارك في فعاليات زي دي قبل كدا.
انا لو كنت أدمن كنت اول حاجه هعملها اني ادور علي الكتب اللي مش متاح تحميلها من الموقع و انزلها و كمان انزل الكتب المترجمة بأكثر من لغة عشان الناس اللي عايزة تقرأ كتاب بلغة معينة و هو مش متوافر غير بالترجمة العربي بس و اني احصل عليه بلغته الاصليه بيبقي صعب شوية. انا لسه مش جربت نمط المناقشات علي الجروب بس لما اجربه هقدر اكون فكرة كاملة و اقول اي مميز و اي معتاد.

ya basha ana sd2ny ya basha lw ana admin llgroup kont a5reb eldenya yasta

لو كنت ادمن كنت هنزل لينكات للكتب والروايات اللى مش بتبقى موجودة ع المواقع التانية ولو ماتحتليش الفرصة انى احط اللينكات هنزل عنواين الاماكن اللى بتتباع فيها ,, وكمان هعرض كل يوم اسم رواية او كتاب نتناقش فيه وفاخر النقاش نحدد رواية كلنا نقراها فمدة معينة كنوع من اضافة النشاط للناس اللى بتنام فقراءةالكتاب الواحد او الرواية او اللى بتقعد فترة طويلة فقراءة حاجة معينة كنت هنزل كمان كتب الادب العالمى المترجم اللى ناس كتير مش بتلاقيها ع مواقع تانية زى العبدلله كدة :)

كنت هجمع كل الأعضاء وأفهم منهم استخدم الموقع ده ازاي في النقاش وتبادل الآراء لأني لحد دلوقتي عمالة اخبط فيه ومش عارفة أعمل أي حاجة في أي حاجة غير تقييم الكتب وبس :/
مش عارفة اتواصل مع الناس أو يكون في حوار ازاي أو نقاش حول أي شيءوحاسة بحالة فظيعة من الجهل بصراحة :/

Marwa wrote: "كنت هجمع كل الأعضاء وأفهم منهم استخدم الموقع ده ازاي في النقاش وتبادل الآراء لأني لحد دلوقتي عمالة اخبط فيه ومش عارفة أعمل أي حاجة في أي حاجة غير تقييم الكتب وبس :/
مش عارفة اتواصل مع الناس أو يكون..."

اعملي توبيك جديد من الصفحة الرئيسية للجروب واكتبيلنا كل اسئلتك واللي عايزة تعرفيه .. وكل الاعضاء هيساعدوكي يا مروة

الجروب أكثر من رائع .. عرفته عن طريق السيرتش في بداية ما اشتركت في الجود ريدز :)
اكتر حاجة عجباني فيه هي العدد الهائل اللي مشترك في الجروب .. و ده بيدفعني اني اسأل السؤال او استفسر الإستفسار اللي حابة استفسره و انا واثقة اني هلاقي اللي يجاوبني و هلاقي تفاعل في أي موضوع أطرحه.
و انا بالفعل شاركت بأكثر من سؤال اكثرهم في قسم (مجتمع الجود ريدز) زي:
1- احكيلنا ايه طقوس القراءة عندك.
2- ايه اكثر رواية ضحكتك و ايه اكثر رواية خلتك تدمع؟
3- ايه الكتاب اللي سبته في النص و مقدرتش تكمله؟
4- ايه الشخصية الروائية اللي حسيتها شبهك؟
5- لو حاسس في نفسك موهبة الكتابة .. هل هتنشر أعمالك على الإنترنت ولا هتخاف من السرقة؟
6- تعليقك على رواية دوريان جراي.
7- ايه الرواية اللي حسيتها تصلح ﻷن تتحول لعمل درامي أو سينمائي .. و تخيلت مين البطل أو البطلة؟

و غيرها من الأسئلة اللي شاركت بيها .. و اللي استمتعت جدا بإيجابات القراء عليها .. خصوصا ان كتير من التعليقات كان طريف :)

لو انا الأدمن مش هعدل حاجات على قد ما هضيف ..
اقترح فتح مناقشات لمواضيع اجتماعية او نفسية او ادبية بعيدة كل البعد عن السياسة و الدين..
فتح مناقشات لأحدث الإكتشافات العلمية و نتناقش مع بعض فيها خصوصا ان اكيد هيفيدنا المشتركين اللي متخصصين في مجالات بعينها زي الطب و الهندسة على سبيل المثال..
ممكن كمان نفتح قسم خاص لنشر الإبداعات الشعرية او المقالات و ناخد رأي بعض فيها .. انا عارفة ان فيه جروبس تانية على الجود ريدز متخصصة في الموضوع ده .. بس يعيبها رغم انها ايضا جروبس مميزة قلة عدد مشتركيها .. فده بيقلل من فرصة الإستفادة باﻷراء ..
اعتقد مع جروب Egyptian Goodreaders الوضع هيكون مختلف :)
دي الاقتراحات اللي جت في بالي دلوقتي D: لو جه في بالي اقتراح آخر اكيد هضيف ..
و بشكركم شكرا جزيلا .. مع تمنياتي بالتوفيق و التقدم دائما :)

Kariman wrote: "الجروب أكثر من رائع .. عرفته عن طريق السيرتش في بداية ما اشتركت في الجود ريدز :)
اكتر حاجة عجباني فيه هي العدد الهائل اللي مشترك في الجروب .. و ده بيدفعني اني اسأل السؤال او استفسر الإستفسار اللي ح..."

بشكرك جدا يا كريمان علي اقتراحاتك ورأيك ..
وانتي من الاعضاء النشطين واللي ليهم مشاركات وتفاعل ملموس في الجروب .. وان شاء الله نشوف منك تفعيل لاقتراحاتك دي باضافة مناقشات مهمة ومتنوعة ..

اما بالنسبة لعمل قسم للمواهب ونشر الابداعات، فدي فكرة دارجة وان كنا مش متخصصين فيها بس حاولنا نلاقيلها مخرج من خلال المسابقة الادبية وان شاء الله تتكرر تاني وبشكل احسن ..

واعتقد المسابقة الادبية الاولي ورتنا ان معانا مواهب كتيير تستحق الاهتمام والرعاية ولحد دلوقتي لسه اعمالهم منشورة في الموقع المخصص ليهم .. وان شاء الله المسابقة تتكرر تاني سنويا او اكتر لو حابين ..

وتنفيذ فكرة نشر الابداعات هيكون اكتر لو اتخصص موقع للجروب بتاعنا .. وان شاء الله دي خطوة مستقبلية ..

وكاستجابة لكلامك هفكر فعلا نخصص موقع المسابقة الادبية او واحد غيره لنشر ابداعات كل اصدقائنا في الجود ريدز ..

:)

Sarah wrote: "لو كنت ادمن كنت هنزل لينكات للكتب والروايات اللى مش بتبقى موجودة ع المواقع التانية ولو ماتحتليش الفرصة انى احط اللينكات هنزل عنواين الاماكن اللى بتتباع فيها ,, وكمان هعرض كل يوم اسم رواية او كتاب ن..."

فكرة جميلة يا سارة ..
وان كنا اتكلمنا فيها قبل كدا وقلنا ان المواقع كتيرة بتنزل كتب وان الكتب الجديدة بتاخد وقت علي ما تكون متاحة ع النت ..

بس الاجمل في فكرتك هو اتاحة العناوين واماكن البيع وكدا ودا مجهود طبعا بس يستحق .. وان شاء الله ينضم لفريق الادارة ناس تقدر تعمل المهمة دي .. ولو انتي منهم قوليلي ..

للاسف فريق الادارة حتي الان .. شخص واحد هو العبد لله
فمش هقدر اعمل دا لوحدي

Nourhan wrote: "بما أني جديدة لسه في Goodreads و كمان جديدة في الجروب و لسه مش قدمت أي مساعدة او حاجه مفيدة بس اتمني دا يحصل قريبا ، انا عرفت الجروب عن طريق أصدقاء ليا موجودين فيه و عجبني النظام يمكن لأنه حاجة جد..."

راجعي الرد اللي قبل دا علطول يا نورهان .. بالاضافة ان الفكرة دي ان شاء الله لو فيه فريق يعملها هتكون اجمل واسهل لما نعمل موقع خاص بينا ..

دا ميمنعش اننا كلنا نحاول نوفر لينكات التحميل دي .. بس لو عرفتي الكتب دي بتتوفر ازاي ع النت هتعرفي انو مجهود كبير ربنا يجازي اللي بيعملوه .. وعشان كدا الكتب بتاخد وقت علي ما تكون ع النت.

Islam wrote: "اتمنى انى اقدر انزل ع الاقل كل يوم كتاب وعلى الاقل كل اسبوع كتاب جديد مانزلش قبل كدا ..
لكن هل فعلا هقدر اعمل كدا .. اشك ! .. انا عرقت الجروب بالبحث ولقيت عليه تفاعل كتيرو0ى اكتر حاجة شجعتنى ادخل ..."

ان شاء الله يكون فيه تفاعل اكتر واكتر ويكون ليك دور كبير في اثراء الجروب يا اسلام .. نورتنا :)

وبخصوص تنزيل الكتب وتحميلها .. همتك معانا

Shaimaa wrote: "لو انا الادمن كنت اكيد هحاول احط الاماكن و المكتبات الي تساعد اي حد في انه يلاقي نوع الكتب الي هو عايزها بسعر مناسب و اكيد كنت هعمل مناقشات للكتب ..هذا ما جاء في بالي حاليا :D"

شكرا لفكرتك دي يا شيماء وطرحتها برضو سارة .. وزي ما قلت دا محتاج مجهود بس هي فكرة تستاهل ... وان شاء الله نقدر نوفرها
.. همتك معانا

عــــــارف صح يا احمد لو انا الادمن هقترح نعمل صندوق تبرع او يعني عارف انت نبعت مسجات تكلفة المسج 5 جنية ونعمل مكتبة ونسميها E.G.R.
ووتخيل بقا لما نفتح اعظم مكتبة ف الجمهورية بتبرعات النت والشباب ونجمع فيها كل الكتب العظيمة قديم وجديد وخد عندك بقا شهرة ووصيت وغناا ;D
لا بجد بس متنساناش بقااا ;D
دي فكرة جتلي حــالا بص هو مشروع هياخد وقت ف تنفيزة بس بص للثواب ف الاخرة ومش انت واحدك دة كمان كل اللي هيتبرع كمان وانا ان شاء اللة اول المتبرعين اتمني تاخدوا الاقتراح علي محمل الجدية وحقيقي مش قادرة اوصف لك كم السعادة اللي هكون فيها لان تقريبا اعظم مكتبة ف الجمهورية لغاية دلوقتي هي مكتبة الاسكندرية لا بقا احنا عايزين
نعــــمــــــر
ولا اية هااااااا شكل دعاءك استجاب وهبدأ اكون فعالـة;D

اادرس الموضوع وشوف الموقع وخليني علي تواصل معاكووو
هكون اسعد لو شاركت بشكل فعلي ولو عايزين سماسرة بتاع شغل اراضي احناااا جامدين اووي بردوو
انا ممكن اسيب البيطري وابقي ادمن اد الدنــــــــيا;D;D

lolo wrote: "اادرس الموضوع وشوف الموقع وخليني علي تواصل معاكووو
هكون اسعد لو شاركت بشكل فعلي ولو عايزين سماسرة بتاع شغل اراضي احناااا جامدين اووي بردوو
انا ممكن اسيب البيطري وابقي ادمن اد الدنـــــــ..."

lolo wrote: "عــــــارف صح يا احمد لو انا الادمن هقترح نعمل صندوق تبرع او يعني عارف انت نبعت مسجات تكلفة المسج 5 جنية ونعمل مكتبة ونسميها E.G.R.
ووتخيل بقا لما نفتح اعظم مكتبة ف الجمهورية بتبرعات النت والشباب و..."


ياااااااااااه
علي فكرة انا رديت عليكي في نفس اليوم ... مخدتش بالي ان الرد متسجلش غير دلوقتي !!!!
يخربيت النت وهبلوا . دايما يحرجنا كدا

الفكرة حلوة وفيها حماس .. وكبييييرة اوي بالرغم من ان المصريين مش ناقصين حد تانين يلم منهم 2 جنية حتي مش 5 جنية ..

الفكرة الطموحة دي واللي بشكرك عليها ، محتاجه خطوات قبلها ,, تخلينا موجودين بشكل واقعي اكبر .. بداية من التواجد الحقيقي علي النت (بان يكون لينا موقع) مرورا بتواجد في الواقع (نادي الكتاب وغيره وايفنتات وافكار طموحة تحرك وتشجع الشباب ع القراية) وانتهاء بمشروعات طموحة زي اللي قولتيها ..

ووقتها هتبقي المكتبة متنقلة بقا ولا ثابتة .. ولا تبدأ بافكار لطيفة زي فكرة كشك التبادل (كشك فيه كتب .. عشان تاخدي كتاب لازم تحطي كتاب مكانه) وافكار تانية لتشجيع القراءة وانتهاء بمكتبة متكاملة زي ما اقترحتي ...

الاحلام كتيييييييييييير بس نبدأ ونطلع السلم واحده واحدة ..
نبدأ ونخلي اصحابنا واهلنا يجربوا القراءة .. يحبوها .. يدمنوها زينا ..
يبقوا ديدان )
يبقي EGRs
:)

تحياتي

اي خدمة;D
هي فعلا فكرة جميلة واتمني تتحقق وبردو فكرة الكشك دى رائعة بس حقيقي انتو جروب زي الفل

ربنا يجبر بخاطرك هههه .. الجروب فل باعضاءه