كتب من حول العالم discussion

ونبدأ أول كتاب في المشروع، وقررت أني أختار كتبي بشكل عشوائي شوية، ولحسن حظي هبدأ بكتاب وكاتبة نفسي أقرأ ليها من زمان.

من دولة "تشيلي"، اخترت "إيزابيل الليندي" لأني رغم معرفتي بيها وبأسلوب كتابتها، إلا أني مقرأتش ليها قبل كده.

الكتاب اللي اخترته هو "بيت الأرواح"، روايتها الأولى وأظن أنها من أشهر رواياتها، وأعتقد أن ناس كتير هيكون قرأوها. لو تحبوا تشاركوني، ممكن تقرأوا معايا الرواية، أو تتفرجوا على الفيلم المقتبس عنها الصادر سنة 1993، أو تقرأوا كتاب تاني ليها أو لمؤلف آخر من "تشيلي"، الحرية ليكم، وفي انتظار مناقشاتكم هنا لاختياراتكم ورأيكم.

كتاب آخرون من تشيلي بخلاف "إيزابيل الليندي":
- بابلو نيرودا
- روبرتو بولانو
- أنطونيو سكارميتا
- خوسيه دونوسو
- كارلوس فرانز
- ماريا لويزا بومبال

مش هحط جدول زمني، لأني مش متأكدة هقدر أخلصها امتى، بس توقعوا فيديو لما أخلصها.

ان شاء الله هبدأ بقراءتها بمجرد الانتهاء من الرواية اللي بأيدي
أول تجربة للكاتبة وأتمناها اختيار موفّق 😊👌

Ahmed wrote: "ان شاء الله هبدأ بقراءتها بمجرد الانتهاء من الرواية اللي بأيدي
أول تجربة للكاتبة وأتمناها اختيار موفّق 😊👌"

أتمنى تعجبك، أنا خلصتها وسعيدة جدا باختياري ليها! :)

قرأت آخر رواية ليها " ما وراء الشتاء" كانت لطيفة بس مقدرتش أعرف منها كتير عنها ككاتبة غير سلاسة اللغة والأسلوب وبناء الرواية بشكل لطيف بس الحبكة مكنتش مميزة بالنسبالي.

ممكن أشوف بين الأرواح..