Abdullah Hassan

“أنا زاهد

زيّ

زُهد الجوكر ف الكوتشينة

أو زُهد الشارع ف الماشيين

أنا واحد

حيّ

مضطر يعيش ف الفاترينة

وبيكره جمهور الفتارين”
― مصطفى إبراهيم, المانيفستو

“يعني أنَا لو مِنَّك بصراحة
وقَلَبت الصناديق عرض وطول
ومالقيتش اللي أنا كان نفسي ألقاه
هَفْضَل سايب صندوق مقفول
وهَقول بالتأكيد كان جُوَّاه”
― مصطفى إبراهيم, المانيفستو

“صدقني أنا كان نفسي أتعلّق.. ف حاجات يامَا
وأعيش إحساس إن أنا فعلاً من غِيرها هَمُوت
أنا أعرف أعيش
مِن غير ما أحتاج إني أقرا الوقت
من غير ولا واحد.. م اللي أنا أعرفهم دلوقت”
― مصطفى إبراهيم, المانيفستو

“يا غنوة ما بتكملش
يا دمع يا محبوس
ليه كل ما أحلم حلم
بقى يتقلب لكابوس

بسأل ساعات نفسي
لو جيتي على بالي
هي الحقيقة صحيح !
مكانتش باينالي ؟

ولا ساعات بنخاف
نعرفها تجرحنا
ولا صدق نجانا
ولا كدب ريحنا

هنعيش بنتألم مـ الدنيا
طول ما احنا ،
بنبيع قلوبنا رخيص
وبنشتريه غالي ،،
يا غنوة ما بتكملش”
― مصطفى إبراهيم