Sign in with Facebook
المانيفستو Quotes
المانيفستو
by
مصطفى إبراهيم8,799 ratings, 4.20 average rating, 1,236 reviews
المانيفستو Quotes
Showing 1-30 of 93
“أنا أحسن واحد يقنعك تحكي…
ومابيحكيش…
وأحسن واحد يقنعك تبكي…
...وما بيبكيش…
أنا أحسن واحد يقنعك تفرح….
وأحسن واحد يقنعك تجرح…
أنا أحسن واحد ميت….
يقدر يقنعك….تعيش…”
― المانيفستو
ومابيحكيش…
وأحسن واحد يقنعك تبكي…
...وما بيبكيش…
أنا أحسن واحد يقنعك تفرح….
وأحسن واحد يقنعك تجرح…
أنا أحسن واحد ميت….
يقدر يقنعك….تعيش…”
― المانيفستو
“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― المانيفستو
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― المانيفستو
“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― المانيفستو
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― المانيفستو
“يا خالق كل شئ ناقص .. كمالته معاك
يا شايل م الحاجات حتة .. بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته”
― المانيفستو
يا شايل م الحاجات حتة .. بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته”
― المانيفستو
“ما بيبكيناش ف غيابكم إلا الشوق
وما تفهموش من ضحكتى إنى ارتحت
لو حدّ فينا ارتاح يبقى اللى بيغمض ساعة الفراق
أما أنا ساعة الفراق .. فتّحت”
― المانيفستو
وما تفهموش من ضحكتى إنى ارتحت
لو حدّ فينا ارتاح يبقى اللى بيغمض ساعة الفراق
أما أنا ساعة الفراق .. فتّحت”
― المانيفستو
“سيب
دايما على قد ما تتساب.. سيب
و على قد ما واحشك أحباب.. غيب
كل الداين.. كان متداين
والدين بيلف بدون ترتيب
أنا عمرى ما كنت بجرح قصد.. لحد ما قلبى اتجرح قصد
أنا جانى وقاضى ومجنى عليه
وطلعت براءة فـ حكم النقض
أنا دومينو ف صف ومش قصدى
كان نفسى أسند قمت موقع
أنا شايل قلبى ف محفظتى
وأول ما تجيلى فلوس.. بدفع
أنا عادى ودورى مالوش سوكسيه
بس دى أرزاق.. والدنيا نصيب
عمر ما فيه عادى بيسأل ليه
من الأصل اتساب... وليه هيسيب!”
― المانيفستو
دايما على قد ما تتساب.. سيب
و على قد ما واحشك أحباب.. غيب
كل الداين.. كان متداين
والدين بيلف بدون ترتيب
أنا عمرى ما كنت بجرح قصد.. لحد ما قلبى اتجرح قصد
أنا جانى وقاضى ومجنى عليه
وطلعت براءة فـ حكم النقض
أنا دومينو ف صف ومش قصدى
كان نفسى أسند قمت موقع
أنا شايل قلبى ف محفظتى
وأول ما تجيلى فلوس.. بدفع
أنا عادى ودورى مالوش سوكسيه
بس دى أرزاق.. والدنيا نصيب
عمر ما فيه عادى بيسأل ليه
من الأصل اتساب... وليه هيسيب!”
― المانيفستو
“وطّى على ودنى ف قلب المسيرة وقال:
كده يبقى فاضل كام شهيد ع النصر؟
كده يبقى فاضل أد إيه على مصر؟”
― المانيفستو
كده يبقى فاضل كام شهيد ع النصر؟
كده يبقى فاضل أد إيه على مصر؟”
― المانيفستو
“السلام عليكم ياللى سيبتونا و نزلتم تحت
السلام عليمن ياللى سيبتونا و طلعتم فوق
ما بيبكيناش ف غيابكم الا الشوق
و ما تفهموش من ضحكتى انى ارتحت
لو حد فينا ارتاح
يبقى اللى بيغمض ساعة الفراق
اما انا ساعة الفراق ... فتحت”
― المانيفستو
السلام عليمن ياللى سيبتونا و طلعتم فوق
ما بيبكيناش ف غيابكم الا الشوق
و ما تفهموش من ضحكتى انى ارتحت
لو حد فينا ارتاح
يبقى اللى بيغمض ساعة الفراق
اما انا ساعة الفراق ... فتحت”
― المانيفستو
“إزاي هزهد في حاجا ماعييش؟
-ياحمار دي فضيله الاستغناء
وانا كنت استغنيت بمزاجي؟
أنا اسمي يئست ومستغنتش
إيه الزهد في إني أما أجي
أشتري ما بجيبش عشان ما لقتش؟
فيه فرق ما بين صبر العاجز
علشان مبقاش حاجه ف إيده
وبين واحد أصلا مش عايز
غير زي ما بس يعوز سيده
صدقني أنا زاهد بالصدفه .. أو من غير قصد
أنا طاير آه .. لكن علشان مش لاقي الأرض”
― المانيفستو
-ياحمار دي فضيله الاستغناء
وانا كنت استغنيت بمزاجي؟
أنا اسمي يئست ومستغنتش
إيه الزهد في إني أما أجي
أشتري ما بجيبش عشان ما لقتش؟
فيه فرق ما بين صبر العاجز
علشان مبقاش حاجه ف إيده
وبين واحد أصلا مش عايز
غير زي ما بس يعوز سيده
صدقني أنا زاهد بالصدفه .. أو من غير قصد
أنا طاير آه .. لكن علشان مش لاقي الأرض”
― المانيفستو
“الخائفون من الفراق.. والخائفات
والعارفون ان اللقا بيدوم ساعات
كل فى فلك يسبحون.. ويذبحون
عمر الحاجات الجاية على حس اللى فات”
― المانيفستو
والعارفون ان اللقا بيدوم ساعات
كل فى فلك يسبحون.. ويذبحون
عمر الحاجات الجاية على حس اللى فات”
― المانيفستو
“كل يومين .. بكبر و ارمي حاجات
و اكتشف إن أنا .. كان ممكن أعيش
من غيرهم اصلا من ألاول
ما اعرفش بقى اليأس اتحول
و قلب زهد
و لا دا جين صوفي من الأول مش محتاج جهد ؟”
― المانيفستو
و اكتشف إن أنا .. كان ممكن أعيش
من غيرهم اصلا من ألاول
ما اعرفش بقى اليأس اتحول
و قلب زهد
و لا دا جين صوفي من الأول مش محتاج جهد ؟”
― المانيفستو
“ارجوك يا زمان خبى المقدور
الضلمة براح اكتر من النور
سيبنى اتخيل .. ان انا بختار
قبل اما اعرف .. ان انا مجبور”
― المانيفستو
الضلمة براح اكتر من النور
سيبنى اتخيل .. ان انا بختار
قبل اما اعرف .. ان انا مجبور”
― المانيفستو
“أدين بـ دين الجدعنة و بـ دين رفاق الدرب
و بـ قولة إحنا مش أنا فـ المعمعة و الضرب
و بـ دين ما كنت مصدّقه فـ المعركة الأولى
و بـ دين جثث فـ المشرحة أساميها مجهولة
و أدين من ساب على الأسفلت اخواته مقتولة
و اقوله التوبة مقبولة إلا فـ وقت الحرب”
― المانيفستو
و بـ قولة إحنا مش أنا فـ المعمعة و الضرب
و بـ دين ما كنت مصدّقه فـ المعركة الأولى
و بـ دين جثث فـ المشرحة أساميها مجهولة
و أدين من ساب على الأسفلت اخواته مقتولة
و اقوله التوبة مقبولة إلا فـ وقت الحرب”
― المانيفستو
“إزاى تعرف مين سابق مين جوا الدايرة و مين فيها فطع أطول مشوار .. مش ممكن برضه اللى ف ضهرك يطلع سابقك و انت اللى حمار ؟؟”
― المانيفستو
― المانيفستو
“وراكل كلمة سبتها و طلعت فيه كلمتين مارضوش . ورا كل دمعة سبتها و نزلت فيه دمعتين مارضوش . وراكل كاس حزن فضيته بالنسيان فيه ألف كاس مليان بيزيدوا مابيفضوش”
― المانيفستو
― المانيفستو
“قال الشهيد للشهيد ف السما الأولى
الطلقة مش طايشة... و الدولة مسئولة
قال الشهيد للشهيد ف السما التانية
الأرض طبّت جنبي مقتولة
قال الشهيد للشهيد ف السما التالتة
الحظ جابنا ...و احنا مش فَلتة
قال الشهيد للشهيد ف السما الرابعة
الدم حيروح فين ... الدايرة مقفولة
قال الشهيد للشهيد ف السما الخامسة
الأرض دي ..متبوعة مش تابعة
لو كان دَعَاكوا نزول ونا لسة وسطيكوا
يبقي ف غيابي تنزلوا أدعى
قال الشهيد للشهيد ف السما السادسة
؟مين كان من الانبيا مش قلة مندسة
و حكي الشهيد للشهيد م السما السابعة
عن ثورة تانية حتيجي .. أقوى م الأولى”
― المانيفستو
الطلقة مش طايشة... و الدولة مسئولة
قال الشهيد للشهيد ف السما التانية
الأرض طبّت جنبي مقتولة
قال الشهيد للشهيد ف السما التالتة
الحظ جابنا ...و احنا مش فَلتة
قال الشهيد للشهيد ف السما الرابعة
الدم حيروح فين ... الدايرة مقفولة
قال الشهيد للشهيد ف السما الخامسة
الأرض دي ..متبوعة مش تابعة
لو كان دَعَاكوا نزول ونا لسة وسطيكوا
يبقي ف غيابي تنزلوا أدعى
قال الشهيد للشهيد ف السما السادسة
؟مين كان من الانبيا مش قلة مندسة
و حكي الشهيد للشهيد م السما السابعة
عن ثورة تانية حتيجي .. أقوى م الأولى”
― المانيفستو
“صدقني أنا كان نفسي أتعلّق.. ف حاجات يامَا
وأعيش إحساس إن أنا فعلاً من غِيرها هَمُوت
أنا أعرف أعيش
مِن غير ما أحتاج إني أقرا الوقت
من غير ولا واحد.. م اللي أنا أعرفهم دلوقت”
― المانيفستو
وأعيش إحساس إن أنا فعلاً من غِيرها هَمُوت
أنا أعرف أعيش
مِن غير ما أحتاج إني أقرا الوقت
من غير ولا واحد.. م اللي أنا أعرفهم دلوقت”
― المانيفستو
“مفيش احساس لحسن الحظ و لسوئه مبيعديش .. مفيش ولا طعم حاجة من اللى بتدوقه مسيره يعيش .. بحلوه و بمره كله بيتسخط لمفيش
يا سبحان اللى بيعودنا ع الحاجة فننساها .. و بيخفف كاسات الناس بميه بدال ما يملاها .. عشان طعم اللى فيها يروح .. عشان طعم اللى فيها يجف
يقولوا مجازا المجروح اذا خد ع الوجع .. بيخف .... تلف عليه سواقى الكون تدوب اللى فات ف الجاى
فسبحانه لما قال منها جعلنا ( كل شئ حى )”
― المانيفستو
يا سبحان اللى بيعودنا ع الحاجة فننساها .. و بيخفف كاسات الناس بميه بدال ما يملاها .. عشان طعم اللى فيها يروح .. عشان طعم اللى فيها يجف
يقولوا مجازا المجروح اذا خد ع الوجع .. بيخف .... تلف عليه سواقى الكون تدوب اللى فات ف الجاى
فسبحانه لما قال منها جعلنا ( كل شئ حى )”
― المانيفستو
“يعني أنَا لو مِنَّك بصراحة
وقَلَبت الصناديق عرض وطول
ومالقيتش اللي أنا كان نفسي ألقاه
هَفْضَل سايب صندوق مقفول
وهَقول بالتأكيد كان جُوَّاه”
― المانيفستو
وقَلَبت الصناديق عرض وطول
ومالقيتش اللي أنا كان نفسي ألقاه
هَفْضَل سايب صندوق مقفول
وهَقول بالتأكيد كان جُوَّاه”
― المانيفستو
“التاريخ ضمن الغنايم .. وبيكتبه الكسبان”
― المانيفستو
― المانيفستو
“75 ترانفيل
انا فاضل لسه معايا
كام ( اول مرة ) ف جيبى ؟
كام عود كبريت ف العلبة
مارضيش يولع ع الفاضى ؟
كام عود مالوش ولا سابقة
ف الحرق الا المرة دى ؟
اول مرة ادخل سيما مع بنت كانت ف اعدادى
كان كدة للموضوع قيمة
و بعديها خلاص بقى عادى
انا اسف جدا جدا
ع اول مرة اتحرقت
ع الفاضى و مش وياكى
و ابوسك اول بوسة
تتباس اصلا ف حياتى
و اتأسف بعدك تانى
ع اول مرة معاكى
و اتأسف تانى و تالت
ع كل كلام اتقال
و احرق ف حاجات اتقالت
كانت لازم تتشال
لبتوع الدور الجاى
و الجاى ابقى من الفايت
و ميت بيسلم ع حى
و الميت و ان كان تافه
ف بيفضل مالهوش زى
ف انا هفضل فاكر مى
و اول ايد بنت امسكها
و اول شيكولاتة هدية
و اول توصيل للبيت
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
متشكر جدا جدا
ع وقتك تانى يا دكتور
- العفو يا سيدى اتفضل
و اديتنى روشتتى تانى
مشطوب منها اربع تسطر
- مش حاسس انك احسن
- من اخر مرة تجيلى ؟
مش حاسس اصلا حاجة
و ع ايدك اديلى
ساعتين عمال اتكلم
و مش فاكر نص كلامنا
- السبت الجاى معادنا ؟
لا دنتا الحد .. نسيت
- خد بالك بقى من نفسك
- و فيه دوا هنكرره تانى
انا اصلا هبقى كويس
و مفيش حاجة مضايقانى
و اخدت الباب ف اديا
و ما صدقت انى مشيت
.......................
كان فاضل لسه سيجارة
ف العلبة لقيتها معايا
بس استخسرت اشربها
قبل اما اوصل للبيت”
― المانيفستو
انا فاضل لسه معايا
كام ( اول مرة ) ف جيبى ؟
كام عود كبريت ف العلبة
مارضيش يولع ع الفاضى ؟
كام عود مالوش ولا سابقة
ف الحرق الا المرة دى ؟
اول مرة ادخل سيما مع بنت كانت ف اعدادى
كان كدة للموضوع قيمة
و بعديها خلاص بقى عادى
انا اسف جدا جدا
ع اول مرة اتحرقت
ع الفاضى و مش وياكى
و ابوسك اول بوسة
تتباس اصلا ف حياتى
و اتأسف بعدك تانى
ع اول مرة معاكى
و اتأسف تانى و تالت
ع كل كلام اتقال
و احرق ف حاجات اتقالت
كانت لازم تتشال
لبتوع الدور الجاى
و الجاى ابقى من الفايت
و ميت بيسلم ع حى
و الميت و ان كان تافه
ف بيفضل مالهوش زى
ف انا هفضل فاكر مى
و اول ايد بنت امسكها
و اول شيكولاتة هدية
و اول توصيل للبيت
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
متشكر جدا جدا
ع وقتك تانى يا دكتور
- العفو يا سيدى اتفضل
و اديتنى روشتتى تانى
مشطوب منها اربع تسطر
- مش حاسس انك احسن
- من اخر مرة تجيلى ؟
مش حاسس اصلا حاجة
و ع ايدك اديلى
ساعتين عمال اتكلم
و مش فاكر نص كلامنا
- السبت الجاى معادنا ؟
لا دنتا الحد .. نسيت
- خد بالك بقى من نفسك
- و فيه دوا هنكرره تانى
انا اصلا هبقى كويس
و مفيش حاجة مضايقانى
و اخدت الباب ف اديا
و ما صدقت انى مشيت
.......................
كان فاضل لسه سيجارة
ف العلبة لقيتها معايا
بس استخسرت اشربها
قبل اما اوصل للبيت”
― المانيفستو
“أنا أحسن واحد يقدر يقنعك تحكى ... و ما بيحكيش
انا أحسن واحد يقدر يقنعك تبكى ... و ما بيبكيش
أنا أحسن واحد يقنعك تفرح
و أحسن واحد يقنعك تجرح
أنا أحسن واحد ميت
يقدر يقنعك ...
تعيش”
― المانيفستو
انا أحسن واحد يقدر يقنعك تبكى ... و ما بيبكيش
أنا أحسن واحد يقنعك تفرح
و أحسن واحد يقنعك تجرح
أنا أحسن واحد ميت
يقدر يقنعك ...
تعيش”
― المانيفستو
“دايماً على قدّ ما تِتساب .. سِيب
و على قدّ ما واحشك أحباب .. غِيب
كُل الدَاين .. كان مِتداين
و الدين بِيلّف بدون ترتيب”
― المانيفستو
و على قدّ ما واحشك أحباب .. غِيب
كُل الدَاين .. كان مِتداين
و الدين بِيلّف بدون ترتيب”
― المانيفستو
“فرق السرعات جوا الدايرة
بينك و ما بين كل الماشيين
هو اللى هيقدر يضمنلك
إن انتا تقابل ناس تانيين”
― المانيفستو
بينك و ما بين كل الماشيين
هو اللى هيقدر يضمنلك
إن انتا تقابل ناس تانيين”
― المانيفستو
“قلبك في قديمك وجديدك
تلقي الموضوع كله في إيدك
بتعيد نفس الحركات ف الدور
وبتستغرب لما يعيدك”
― المانيفستو
تلقي الموضوع كله في إيدك
بتعيد نفس الحركات ف الدور
وبتستغرب لما يعيدك”
― المانيفستو
“رقصت كتير علي السلم بخاف أطلع و أخاف ن الأرض
-أكيد الخوف مش الفكره
وحتي يا ستي يعني بفرض , اكيد الخوف ما هوّاش عيب , طبيعي الناس تخاف م الغيب وم المقدور , برغم كده بحب الضلمه أكتر ما بحب النور,
ساعات بتمني شقه ف برج شايفه النيل, واوقات اني اعيش مستور وبزهد .. كل ما ف الرحله من زخرف ومازهدهاش ما دام فيها رمق يتعاش, اكيد ف الرحله يوم متحاش ومستني اعدي عليه,
-وتعرف ايه عنه اصلا؟
مفيش غير انه لسه مجاش”
― المانيفستو
-أكيد الخوف مش الفكره
وحتي يا ستي يعني بفرض , اكيد الخوف ما هوّاش عيب , طبيعي الناس تخاف م الغيب وم المقدور , برغم كده بحب الضلمه أكتر ما بحب النور,
ساعات بتمني شقه ف برج شايفه النيل, واوقات اني اعيش مستور وبزهد .. كل ما ف الرحله من زخرف ومازهدهاش ما دام فيها رمق يتعاش, اكيد ف الرحله يوم متحاش ومستني اعدي عليه,
-وتعرف ايه عنه اصلا؟
مفيش غير انه لسه مجاش”
― المانيفستو
