Sayed Gouda

“فليُداومْ عَلَى الحُزنِ مَنْ يَضمَن ألّا يَمُوتَ غَدًا”
― نجيب محفوظ

“أنا لا أتجاهل، أنا فقط أحاول أن تبقى روحي بعيدة لكي لا تتعلق بشيء تحبه اليوم ويزول غدًا”
― جبران خليل جبران

“قدرك انك وُلدت في مصر المعاصرة، الأمر أشبه بمن خرج من رحم أمه إلى الزنزانة فورًا”
― أسما حسين

“شفت كفه عامل إزاي م الشقا؟

شفت جلده والكعوب متشققة؟

شفت ضهره وهوا محني

وشكله عامل حرف إل؟

شفت بقه لما يضحك

كل ضحكة سنان تقل؟



شفت شعره أبيض إزاي م اللي شافه؟

و لما كح دم إزاي الكل خافوا؟

شفته طبطب ع العيال

إزاي وهما بيلعبوا؟

و خاف عليهم قد إيه

م اللف لحسن يتعبوا؟

شفته ف صوان العزا

عمال يدوّر ف الوشوش

على حد لسه يعرفه

على حد لسة مودعوش

شفته ودع كام صديق..

و كام حبيب؟

و كام قريب؟

و دعوته وسط الصلاة

يا رب متسبنيش غريب

خدني أتونس معاهم

كله راحلك إلا أنا

وإن كان لسه ف العمر باقي

طب فاضللي كام سنة؟

آسف....أنا مش قصدي أراجعك

والشكوى دي مش كفر مني

مش قولتلي....إحكي اللي واجعك؟

طلع الكلام كدا غصب عني

طلع الكلام

أهبل...وخام

عيل عبيط

ملهوش لجام

والعمر دايرة

مقفولة صح

أولها

.نلقاه ف الختام”
― مصطفي إبراهيم