Areej Osama

“دايماً على قدّ ما تِتساب .. سِيب
و على قدّ ما واحشك أحباب .. غِيب
كُل الدَاين .. كان مِتداين
و الدين بِيلّف بدون ترتيب”
― مصطفى إبراهيم, المانيفستو

“أنا أحسن واحد يقدر يقنعك تحكى ... و ما بيحكيش
انا أحسن واحد يقدر يقنعك تبكى ... و ما بيبكيش
أنا أحسن واحد يقنعك تفرح
و أحسن واحد يقنعك تجرح
أنا أحسن واحد ميت
يقدر يقنعك ...
تعيش”
― مصطفى إبراهيم, المانيفستو

“صدقني أنا كان نفسي أتعلّق.. ف حاجات يامَا
وأعيش إحساس إن أنا فعلاً من غِيرها هَمُوت
أنا أعرف أعيش
مِن غير ما أحتاج إني أقرا الوقت
من غير ولا واحد.. م اللي أنا أعرفهم دلوقت”
― مصطفى إبراهيم, المانيفستو

“فرق السرعات جوا الدايرة
بينك و ما بين كل الماشيين
هو اللى هيقدر يضمنلك
إن انتا تقابل ناس تانيين”
― مصطفى إبراهيم, المانيفستو