Fabjola

“Çdo marrëdhënie mes njerëzve ishte përherë një grumbull problemesh, tensionesh, madje edhe fyerjesh, poshtërimesh. Të gjithë detyrojnë dhe detyrohen – jo aq për të bërë gjëra që nuk duan, por më shumë sepse nuk e dinë çfarë duan. Pothuajse të gjithë nuk e dinë çfarë duan, dhe akoma më pak çfarë nuk duan. Është krejt e pamundur që kjo të dihet. Nëse askush nuk do të detyrohej ndonjëherë për asgjë, bota do të ndalej; gjithçka do të mbetej pezull në një ndërdyshje të përgjithshme dhe të vazhdueshme, pa mbarim.”
― Javier Marías

“Përherë të krijonte përshtypjen se po humbte diçka dhe se ishte i vetëdijshëm për këtë në mënyrë të dhimbshme – si ata njerëz që duan të jetojnë disa jetë njëherësh, duke u shumëfishuar, dhe që nuk mjaftohen me të qenët vetëm vetja e tyre: njerëz që marron nga mëria.”
― Javier Marías

“Video.. Është një shpikje e skëterrshme: vret natyrën kalimtare të gjërave që ndodhin, me mundësinë për t’u gënjyer dhe për t’ia treguar vetes më pas ndryshe nga ajo që ka ndodhur. I ka dhënë fund kujtimit, që është i papërsosur dhe i manipulueshëm, përzgjedhës dhe i ndryshueshëm.”
― Javier Marías

“Njeriu martohet vetëm kur s’ka rrugë tjetër – nga tmerri, ose ngaqë është dëshpëruar, ose që të mos humbë dikë, humbjen e të cilit s’mund ta përballojë.”
― Javier Marías