أبيض غامق Quotes

“بلاش تنده حاجات ماتت
وسيب الذكري مرتاحه متندهاش
مدمت قدرت تنساها
بلاش ترجعلها ببلاش
اكيد في الجاي حدوته ومحتاجة
انها تتعاش”
― محمد السيد, أبيض غامق

“أعيش فيكى
أموت م الجوع
أموت فيكى
أعيش موجوع”
― محمد السيد, أبيض غامق

“النهار قرب و لكن
عايز اللى ينادى ليه
ده السكوت ع الظلم عورة
و اللى يعمل نص ثورة
"يحفر القبر بإيديه”
― محمد السيد, أبيض غامق

“وشوش مدهونة بالضحكة
و تحتيها البكا ثابت
و ناس ف الدنيا كات ماسكة
و غصبن عنّها سابت
و ناس عايشة و ناس لأه
و ناس تخسر و ناس سابقة
و ناس من قلبها عاشقة
و ف الآخر أهى اتسابت!”
― محمد السيد, أبيض غامق

“أيه الجديد ؟

الطير جناحه بيتربط لسه فى حديد

لسه العبيد عايشين عبيد بالاقتناع

كل اللى فاضل يعلنوها على المشاع

ان اللى خان كان مشترى

وان اللى مات هو اللى باع

بالذمة مين المستفيد

فرعون جديد

وللا اللى فات هو الملك

وللا احنا شعب بزمبلك

يؤمر نطيع

يشخط نبيع

معقول يكون لسه القطيع.. عايشين قطيع

وفرحانين بالمألسه والابلسه والملعنه

معقول تكون لسه الامانى

رغم اللى كان مش ممكنة ؟؟”
― محمد السيد, أبيض غامق

“الدنيا رحلة وجع
ضحكة على أستحياء
الدنيا داء و الدوا
فى روشتة استغناء
الدنيا حقنة أمل .. بتخدرك حبِّة
لكن ماهيش حابة
يبقى بينكو وفاق”
― محمد السيد, أبيض غامق

“باراناويا
بتسهر لوحدك وتقعد معاك
وتسال تجاوب وتعتب عليك
تبوحلك بسرك وتضحك في سرك
وتبكي في سرك وتقفل عنيك
بتحلم وتسرح
ووهمك ملاذ”
― محمد السيد, أبيض غامق

“يوماتى اتوضا من نيلها
و اصلى للى جمّلها
و أدعيلها يكملها
بواحد يمسك المايلة و يعدلها”
― محمد السيد, أبيض غامق

“البرد ساكن وسطهم
و مقسطين حق الغطا
و مغصوبين ع الشعبطة
و بيرسمو الاولاد أمل
و الرسمة تطلع ... شخبطة”
― محمد السيد, أبيض غامق

“ملعوب بينا و بيكى
ملعوب معمول عليكى
مابقاش فى اللعبة سر
قوانين اللعبة فيكى
الظالم مستمر”
― محمد السيد, أبيض غامق

“كل الليالى شتا
لما الدموع تكتر
و العمر مستكتر يعدلك الكفة
بردان و ليه رايح بالبرد تتدفى
ده انت الجراح لازمتك
ليه منها بتقرب
إنت اللى راح أزمتك
و العمر متغرب
ده الدمع ملّ العين
طب اقولك اسأل مين
و انت اللى بتجرب”
― محمد السيد, أبيض غامق

“و الموت مسكن اسئلة
و ماهوش جواب
الامضا بس بتتنقل
من خانة الحاضر وجع
لخانة الموجوع غياب
اذن الوجود مش هو اصل المشكلة
و الازمة لو ازمة حياة
فلكل ازمة منحنى
الازمة فى الغالب...أنا!”
― محمد السيد, أبيض غامق

“كرسى البلد ميشيلش أى إله
و ازاى يا خلق الله
خِّروا له سُجدا
كافر انا بربكم
ولا كنت مستعبدا
مؤمن بواحد احد
ما نسانى يا ناسيين
بسجد لعادل أمر
بالعدل يا عاصيين”
― محمد السيد, أبيض غامق