توازن داخلى ..
لما توصل لمرحلة من التحكم في الذات، تبقى قادر فيها تسيطر على انفعالاتك ومشاعرك ورغباتك، هتقدر تقيم ايه الحاجات اللى عايزها بجد في حياتك، وايه الحاجات اللى كنت فاكرها مهمة وطلعت مجرد نزوة، ساعتها هيبقى من حقك الاختيار، اختيار مين الاشخاص اللى عايزهم يقربوا منك، عشان إنت عايزهم جوه حياتك، مش عشان إنت محتاجهم جوه حياتك، غيابهم مش هيوقف الدنيا بالنسبالك، لكن حضورهم هيخليها أحلى مما هي عليه بالنسبالك، ساعتها هتبقى حرّ ونَفْسَك مِلكك مش ملك هوى وانفعالات غير محسوبة، ساعتها هتبقى متوازن وبتختار صح .. ساعتها مفيش ظروف خارجية هتتحكم في سعادتك، لأنك هتعرف إزاى تطوع أى ظرف لمصلحتك، هتبقى عارف إن كل حاجة بتحصل لسبب وحكمة، وبدل ما تضيع وقتك في الحزن والولولة، هتقضي وقت أكبر في اكتشاف الحكمة ورا اللى حصل، عشان تتعلم درس جديد ينضاف لخبراتك العملية في الحياة، ويساعدك تعيش بشكل أفضل بعد كده .. إتجنن وخد قرارات غير محسوبة ده حقك، بس هتكون عملت كده باختيارك إنت، وبردو المفروض تبقى مستعد لتقبل كل الاعراض الجانبية الحلوة والوحشة اللى هتنتج عن مخاطرتك دي، صحيح المخاطرة ممكن تودينا في داهية، بس ميمنعش إنها ممكن تكشفلنا أراضي جديدة عمرنا ما كنا هنعرفها او نشوفها لو فضلنا ماشيين جنب الحيط وخايفين نحلم أو نعيش .. عايزه أقول ايه ؟ احلم واتجنن وعيش بحرية، بس باختيارك إنت مش بدافع من الظروف .. وخلى ذاتك ملكك وبس ! #اكتفاء_ذاتي
www.facebook.com/marwah.writer
No comments have been added yet.
