Âyâ Ňåssër

“أحسد الأطفال الرضّع، لأنهم يملكون وحدهم حق الصراخ والقدرة عليه، قبل أن تروض الحياة حبالهم الصوتية، وتعلِّمهم الصمت”
― أحلام مستغانمي, ذاكرة الجسد

“في حاجات لازم... علشان نعرف....درجة قوتها...بنكسرها

وحاجات ف ادينا... عشان نعرف.... اننا عايزينها ....بنخسرها

كدّبت ف عمرك كام صاحب

علشان كان نفسك تتطمن ؟

وخسرت اصحابك واتطمنت

طب كام بالون فرقعوا منك

وإنتا بتنفخهم ع الاخر؟

وعرفت اخرهم بس ندمت

دلوقتي فهمت

أنا عاوز إيه

ونا كنت بفرقع بلالين ليه

أنا عاوز حاجه بدون آخر

أو حتى بآخر ما اوصلّوش

كام حيطه ف ضهري

اضرب واهري

ف بدنهم بس ما يتهدوش

شيء مش مغشوش

مضمون دايما

من غير ما احتاج إني اتأكد

أو حتي اخاف إني اتنكد

لا يكون ف الاخر برضه فاشوش

يا بشر عرفاني وعارفه أنا مين

بلغوا اسفي لكل البلالين

كلنا كنا ف يوم بالونه

فقعتنا تجارب بني أدمين

بلالين عايشين نفسها تلقي

حد يصدق ويقدرها

متأكد من إنه عاوزها

من غير مايجرب يخسرها”
― مصطفى إبراهيم, ويسترن يونيون فرع الهرم

“لأنها تخاف المرتفعات ,لم تثق أبداً في قمة السعادة .. ولا قمة التعاسة .”
― رحاب بسام, أرز باللبن لشخصين

“عارف لما تشوف الصبح بيطلع .. و انت قاعد
لما تلاقى قلبك بيدق وانت بارد
أو تنام و انت شارد .. و تجرى وانت واقف .. و تبكى وانت ساكت
عارف لما عينيك تشوف جوه ناس .. و تحس بإحساس
عارف لما تبقى كل حاجا غلط صح .. و كل حلال حرام
المية تبقى نار و النار تبقى مطر
عارف لما تسكت و جواك مليان كلام
و تتكلم وانت مش طايق الكلام
تشوف الكدب من العينين باظظ
وإن اتكلمت هاتبقى عينيك بتشوف مش زى مانت باصص
تمشى مش زى مانت رايح
تتمنى تموت و انت عايش
او تعيش بس مش على الهامش
لما تحس انك نصين لحاجة واحدة بس مش بتوع بعض
نص برق و التانى رعد”
― أحمد حلمي, 28 حرف