Ziad sherief

“الدنيا رحلة وجع
ضحكة على أستحياء
الدنيا داء و الدوا
فى روشتة استغناء
الدنيا حقنة أمل .. بتخدرك حبِّة
لكن ماهيش حابة
يبقى بينكو وفاق”
― محمد السيد, أبيض غامق

“أيه الجديد ؟

الطير جناحه بيتربط لسه فى حديد

لسه العبيد عايشين عبيد بالاقتناع

كل اللى فاضل يعلنوها على المشاع

ان اللى خان كان مشترى

وان اللى مات هو اللى باع

بالذمة مين المستفيد

فرعون جديد

وللا اللى فات هو الملك

وللا احنا شعب بزمبلك

يؤمر نطيع

يشخط نبيع

معقول يكون لسه القطيع.. عايشين قطيع

وفرحانين بالمألسه والابلسه والملعنه

معقول تكون لسه الامانى

رغم اللى كان مش ممكنة ؟؟”
― محمد السيد, أبيض غامق

“أدين بـ دين الجدعنة و بـ دين رفاق الدرب

و بـ قولة إحنا مش أنا فـ المعمعة و الضرب

و بـ دين ما كنت مصدّقه فـ المعركة الأولى

و بـ دين جثث فـ المشرحة أساميها مجهولة

و أدين من ساب على الأسفلت اخواته مقتولة

و اقوله التوبة مقبولة إلا فـ وقت الحرب”
― مصطفى إبراهيم, المانيفستو

“إن كنتَ قد تركتَ فتاتك مثلى فلا تقسُ على نفسك مثلما فعلتُ أنا، وإن كانت هى التى تركَتك فلا تظنَّ أنك غير أهل للحب. فقصص الحب الأولى دائما ما تنتهى بترك واحد للآخر، سيان من الذى يفعلها قبل الآخر”
― عزالدين شكري فشير, باب الخروج: رسالة علي المفعمة ببهجة غير متوقعة