أصول .. وواجبات .. وقليل من النفاق لن يضر !
عمرى ما فهمت يعني إيه الحزن ف القلب، وكنت مقتنعة إن لابد من الأسود والدموع وقليل من اللطم على كثير من الصراخ عشان الطبخة تكتمل، بعدين فهمت إن الحزن في القلب، وإننا بنبكى لمجرد إننا اتعلمنا إننا المفروض نبكى في المواقف دي، مش عشان هي تستحق البكاء، أنا معرفش إيه يستحق البكاء أو الزعل، ومعرفش الطريقة الصح اللى المفروض الواحد يحزن بيها لو فيه حاجة تستحق الحزن، بس اللى أعرفه إن اللى بشوفه قدامى ده أفورة ولا يخلو من تمثيل، يعنى ممكن الواحد ميكونش بالحزن الفظيع ده بس لازم يرسم على وشه الأسى لزوم الموقف .. اتفرج على أى عزا، هتلاقي المقربين أوى من الميت هما اللى تعبانين بجد، والباقي بيمثل، لأنه الموضوع ميهموش بس طالما جه العزا يبقى لازم يلبس لبس العزا ويمشى على قوانينه، والفرحة مش مختلفة كتير أصله مينفعش تروح تحضر فرح وتبقى مكشر، لازم هتضحك وتصقف وتهز شوية عشان تبقى ماشي على قوانين الفرح الصارمة .. حياتنا كلها سلسلة من النفاق الاجتماعى الذى لا بد منه، عشان منظرك قدام الناس، عشان الناس متزعلش، عشان ده واجب، ومعرفش مين الاستاذ اللى فرض علينا الواجبات دي بس أنا اتولدت لقيتهم بيعملوها وبيقولولى إنى لازم أعملها شئت أم أبيت !
بقولك إيه .. ما تعمل اللى إنت عايز تعمله، في الوقت اللى عايز تعمله، سيبك من اللى يقولك دي أصول وواجبات وبتنجان أزرق، متسمحش لحد يفرض عليك قيود إنت مش مجبر تتقيد بيها، ربنا خلقنا احرار عشان نحبس نفسنا إحنا، اللى حاسس بيه عبر عنه بالطريقة اللى تريحك، اللى مش حاسس بيه متمثلهوش ! متشتريش دماغك .. أو بالأصح متبيعاهش عشان ترتاح ! حِس صح .. وعبّر عن إحساسك بطريقتك إنت !
وعن إذنكم عشان عندي فرح .. ولازم أجهز الفستان ! دي أصول وواجبات لازم نؤديها، إنت عايز الناس تقول عليا إيه !
بقولك إيه .. ما تعمل اللى إنت عايز تعمله، في الوقت اللى عايز تعمله، سيبك من اللى يقولك دي أصول وواجبات وبتنجان أزرق، متسمحش لحد يفرض عليك قيود إنت مش مجبر تتقيد بيها، ربنا خلقنا احرار عشان نحبس نفسنا إحنا، اللى حاسس بيه عبر عنه بالطريقة اللى تريحك، اللى مش حاسس بيه متمثلهوش ! متشتريش دماغك .. أو بالأصح متبيعاهش عشان ترتاح ! حِس صح .. وعبّر عن إحساسك بطريقتك إنت !
وعن إذنكم عشان عندي فرح .. ولازم أجهز الفستان ! دي أصول وواجبات لازم نؤديها، إنت عايز الناس تقول عليا إيه !
date
newest »
newest »
message 1:
by
Marwan
(new)
Jan 23, 2014 12:39PM
البكاء علميا هوا ميكانيزم دفاعى بيقوم بيه الانسان لاخراج شحنه مؤذيه ولسلامته النفسيه احيان كتير بيكون البكاء لا ارادى يعنى مش شرط يكون رد فعل بيقوم بيه الانسان بارادته البكاء مش سلوك انسانى البكاء عند الحيوانات حتى البكاء سلوك فطرى
reply
|
flag
